பிறரைப் பற்றி எண்ணுதல்


ஒரு நாள் பத்து வயது மதிக்கத்தக்க சிறுவன் ஒருவன் ஐஸ் கிரீம் கடைக்குச் சென்றான். ஒரு இருக்கையில் உட்கார்ந்தான். ‘ஐஸ் கிரீம் கோன் எவ்வளவு?’
என்று கடையில் உள்ள பணிப்பெண்ணிடம் கேட்டான். அவள் பத்து ருபாய் என்றாள். தன் கையில் இருந்த சில்லரைக்காசுகளை எண்ணத் தொடங்கினான். பிறகு அவன் ‘ஒரு சிறிய அளவு ஐஸ் கிரீம் எவ்வளவு?’ என்று கேட்டான். அவள் பொறுமையிழந்து “எட்டு ரூபாய்” என்று பதிலளித்தாள். அந்தச் சிறுவன் ‘எனக்கு ஒரு சிறிய ஐஸ் கிரீம் கப் வேண்டும்’ என்றான். அவனுக்கு ஐஸ் கிரீம் கிடைத்தது, தொகைக்கான சீட்டும் கிடைத்தது. பிறகு, பணம் கொடுத்துவிட்டு வெளியேறினான்.

அந்த வெற்றுத்தட்டை எடுக்க வந்த பணிப்பெண், மனமுருகிப் போனாள். அந்தத் தட்டுக்கு அடியில் ஒரு ரூபாய் நாணயம் அந்தப் பெண்ணின் சேவைக்காக வைக்கப்பட்டிருந்தது. அந்த சிறுவன் ஐஸ் கிரீமை வாங்குவதற்கு முன்னால் அந்தப் பெண்ணின் சேவைக்கு ஊதியம் கொடுக்க வேண்டும் என்று எண்ணி இருந்திருக்கிறான். அவன் தனது உணர்வையும், அக்கறையையும் காட்டி விட்டான். தான் தன்னைப் பற்றி எண்ணுவதற்கு முன்னால் ‘பிறரைப் பற்றி’ எண்ணியிருந்திருக்கிறான்.


நாம் எல்லோரும் அந்தச் சிறுவனைப் போல் எண்ணினால், நாம் வாழ்வதற்குரிய மகத்தான இடத்தைப் பெறுவோம். அக்கறையையும், பண்பட்ட தன்மையையும் காட்டுங்கள். பிறரைப் பற்றி எண்ணுதல் என்பது ஒரு அக்கறையான மனப்பாங்கைக் காட்டும்.

Comments

  1. தனக்கு மிஞ்சிதான் தானமும் தர்மமும்..
    அந்த பெண் செய்ததது ஒரு முழுமையான சேவை அல்ல.சேவை என்பது எதையும் எதிர்பார்க்காமல் செய்வதே.சேவைக்கான ஊதியம் பணமல்ல.ஆழ்மனதினால் ஆன அன்பு மட்டுமே சரியான ஊதியம்.அவள் பொறுமையிழந்து எட்டு ரூபாய் என்று சொல்லியபோதே...அவளது பணிக்கான குறிக்கோளை இழந்துவிடுகிறாள்.அந்த பணிப்பெண்னிடம் என்ன சேவை இருக்க போகிறது?அது அவளது தொழில் அதற்குஏன் அந்த சிறுவன் ஒரு ரூபாய் கொடுக்க வேண்டும்?

    நன்றி : யவனராணி

    ReplyDelete

Post a Comment

Popular posts from this blog

தமிழ் நூல்கள் உங்களுக்காக PDF வடிவில் ..

ரமணி சந்திரன் நாவல்கள் உங்களுக்காக PDFவடிவில்

ரமணி சந்திரன் அவர்களின் எட்டு நாவல்கள்